सिन्धुली – नेपाल विद्यार्थी संघ सिन्धुलीको अध्यक्षमा भरत बिश्वकर्मा मनोनित भएका छन् । नेवि संघको केन्द्रिय कार्य समितिले बिश्वकर्मालाई सिन्धुली जिल्ला अध्यक्षमा माघ एक गतेबाट लागू हुने गरि मनोनित गरेको हो ।
नेपाल बिद्यार्थी संघ सिन्धुलीको अध्यक्ष पद रिक्त रहेको र ३२ बर्ष उमेर हद समेत आकर्षित भएकोले संगठनलाई चलायमान बनाउनको लागि अध्यक्ष पदको जिम्मेवारी सहित बिश्वकर्मालाई मनोनीत गरिएको नेवि संघका केन्द्रिय अध्यक्ष दुजाङ शेर्पाले वताए ।
नेपाल विद्यार्थी संघको विधि, विधान र मर्यादाभित्र रहेर संगठनलाई गतिशिल बनाउन समेत मनोनित पत्र मार्फत बिश्वकर्मालाई आग्रह गरिएकाे छ ।
नेवि संघको विधान २०२७ को सातौ संसोधन २०७५ बमाेजिम तीन महिना भित्र सिन्धुलीमा नेवि संघको जिल्ला अधिवेशन सम्पन्न गराउने गरि अध्यक्षको जिम्मेवारी प्रदान गरिएको नेवि संघका केन्द्रिय अध्यक्ष दुजांङ शेर्पाद्वारा हस्ताक्षरित मनोनित पत्रमा उल्लेख गरिएकाे छ ।
