सिन्धुली – नेपाली कांग्रेसका केन्द्रीय सदस्य एवं तरुण विभाग प्रमुख शंकर भण्डारीले कांग्रेसमा विभिन्न गुटको जिन्दाबाद मात्रै रहेको तर सिंगो पार्टिको एकमत नरहेको उल्लेख गरेका छन ।
बिहिबार नेपाली कांग्रेस सिन्धुलिमा उपस्थित नेता कार्यकर्ताहरु संग भेट्ने क्रममा बिभाग प्रमुख भण्डारिले कांग्रेसभित्र आफ्नै गुट-उपगुटको आन्तरिक चरम द्वन्द भएकोले भोलिको दिनमा कांग्रेस कुन अबस्थामा हुन्छ अहिले भन्न नसकिने अबस्थामा भएको बताए ।
अहिले कांग्रेसमा पार्टिका शिर्ष नेताहरु चुनाब कसरी जित्न सकिन्छ भनेर गुटमात्रै बनाउन लागि परिरहेको बताउदै भण्डारिले आफू पार्टिमा कहाँनेर छु भनेर हेक्का नराखी पार्टीलाई एकजुट बनाउन लाग्नुपर्ने बताए ।
त्यस्तै, बिभाग प्रमुख भण्डारिले नेपाल कम्युनिष्ट पार्टी (नेकपा) ले मुलुकलाई स्थायित्व दिन नसक्ने बताएका छन् । नेकपाको असक्षमताका कारण नै मुलुकले अहिलेको परिस्थती सामना गर्नु परेको भण्डारीको जिकिर छ ।
मान्छेलाइ छ्याप्छ्याप्ती काट्दै हिड्ने तत्कालिन कम्युनिस्ट, दिनदहाडै देश लुट्दै हिड्ने कम्युनिस्टको कुनै मतलब नराखी उहीँ कम्युनिस्ट संग काध मिलाएर हिड्ने हो भने कांग्रेसको पनि अस्तित्व मेटिएर जाने भण्डारिको भनाइ छ । साथै उनको कम्युनिष्टहरुका कारण नेपालको सनातन हिन्दू धर्म सस्कृति माथि समेत प्रहार भएको आरोप छ ।
