सिन्धुली – सिन्धुलीको दुधौली नगरपालिका -११ तल्लो धनसरी स्थित कमला नदिको किनारमा एक बेवारिसे शव फेला परेको छ ।
नाम, थर, वतन नखुलेको अन्दाजी बर्ष ६० को जस्तो देखिने एक पुरुषको शव बेवारिसे अबस्थामा पानीमा घोप्टो परिरहेको अबस्थामा भेटिएको जिल्ला प्रहरी कार्यालय सिन्धुलीका प्रहरी नायब उपरीक्षक चिरञ्जीवी दाहालले बताए ।
स्थानीयले बेवारिसे अबस्थामा लास देखेपछी ईलाका प्रहरी चौकी दुधौलीलाई खबर गरेका थिए । ईलाका प्रहरी कार्यालय डकाहाका प्रहरी निरिक्षकको नेतृत्वमा प्रहरीले घटनास्थलमा पुगि प्रारम्भिक कार्य पूरा गरि शबलाइ पोष्टमार्टमको लागी प्राथमिक स्वास्थ्य केन्द्र दुधौलीमा राखिएको उपरीक्षक दाहालले जानकारी दिए ।
हालसम्म उक्त मृत ब्यक्तीको कुनैपनी पहिचान नखुलेको र आबस्यक अनुसन्धान भइरहेको प्रहरीले जनाएको छ ।
