सिन्धुली – प्रधानमन्त्री पुष्पकमल दाहाल ‘प्रचण्ड’ ले सिन्धुलीको सिर्थौलीमा निर्मित दुधौली नगर अस्पतालको सनिबार एक औपचारिक कार्यक्रमका बिच समुद्घाटन गर्नुभएको छ ।
दुधौली नगरपालिका -५ सिर्थौलीमा नबनिर्मित दुधौली नगर अस्पतालको प्रधानमन्त्री दाहालले उद्घाटन गर्नुभएको हो । १५ शैय्याको नगर अस्पताल निर्माणको २०७८ असार १४ गते सम्झौता भएको थियो ।
कुल १८ करोड ६७ लाख ४८ हजार ६०६ को लागतमा निर्मित उक्त अस्पतालले दैनिक एक सय ५० बढी बिरामीलाई विभिन्न प्रकारका स्वास्थ्य सेवा उपलब्ध गराउने अस्पतालले जनाएको छ ।
समारोहमा दुधौलीको स्थानीयले स्थानीय कला संस्कृति झल्कने झाँकी प्रस्तुत गरेका थिए ।
