सिन्धुली – सिन्धुलीको कमलामाई नगरपालिका-१३ स्थित माथिल्लो रानिवासमा बुधबार भएको सवारी दुर्घटनामा एक जनाको मृत्यु भएको छ ।
उदयपुरको कटारीबाट भिमानतर्फ आउँदै गरेको मधेस प्रदेशको ०४००१ क ००५१ नम्बरको ट्रक र बा ९२ प ६५६२ नम्बरको मोटरसाइकल एक-आपसमा ठक्कर खाई दुर्घटना हुँदा मोटर साइकल चालक सर्लाहीको हरिवन नगरपालिका ७ का ३० वर्षीय रिद्धिबहादुर मिरिङसिङको मृत्यु भएको हो ।
दुर्घटनामा गम्भीर घाइते भएका मिरिङसिङको उपचारका लागि सिन्धुली अस्पताल ल्याउने क्रममा बाटोमै मृत्यु भएको जिल्ला प्रहरी कार्यालय सिन्धुलीका प्रहरी नायव उपरीक्षक तथा प्रवक्ता चिरन्जीवी दाहालले जानकारी दिए ।
घाइते मिरिङसिङलाई उपचारका लागि सिन्धुली अस्पतालमा ल्याइए पछि अस्पतालका डाक्टरले मृत घोषणा गरेका थिए । दुर्घटनापछि दुवै सवारी साधन सहित ट्रक चालक महोत्तरीको गौशला नगरपालिका १ बस्ने ४१ वर्षीय जितबहादुर आलेलाई प्रहरीले नियन्त्रणमा लिएको छ भने मिरिङसिङको शव पोष्टमार्टमका लागि सिन्धुली अस्पतालमा राखिएको छ ।
