सिन्धुली – जिल्लाको संस्थागत बिधालय भगवती अंग्रेजी माध्यामिक बिधालयमा अध्यनरत एक बिद्यार्थीले आत्महत्या प्रयास गरेका छन् । धनुषा जिल्ला लक्ष्मिनिया नगरपालिका स्थायी ठेगाना भइ हाल जिल्लाको भगवती आवासिय बिधालयमा अध्यनरत एक छात्रले बिधालयको होस्टलमै आत्महत्या प्रयास गरेका हुन ।
बर्ष अन्दाजी १३/१४ रहेका उक्त छात्र भगवती अंग्रेजी माध्यामिक बिधालयकै होस्टेलमा रहि कक्षा ८ मा अध्यनरत बिद्यार्थी हुन । होस्टेलको झ्यालको ग्रीलमा पासो लगाइ आत्महत्या प्रयास गरेका छात्रको अहिले धुलीखेल अस्पतालमा आइसियुमा रहि उपचार भइरहेको छ ।
उनको अबस्था जटिल रहेको अस्पतालले जनाएको छ । गोप्य सुचना अनुसार शाहले रक्षाबन्धनको दिन राखी लगाउनको लागी घर जान स्कुलबाट छुट्टि मागेका थिए । तर बिधालयले छुट्टि नदिएपछी उनले आत्महत्या प्रयास गरेका हुन । यद्यपि, बिधालय तथा परिवारले उक्त बिद्यार्थीले किन आत्महत्या प्रयास गरे भन्ने खुलाएको छैन ।
आत्महत्या प्रयास गरेको तत्काल थाहा पाएपछी बिधालयले जिल्ला अस्पताल सिन्धुलीमा उपचारको लागी लिएर गएको र जिल्ला प्रहरी कार्यालयलाई खबर गरेको थियो ।
जिल्ला अस्पतालले थप उपचारको लागी धुलिखेल अस्पताल रिफर गरेपछी उनको अहिले आइसियुमा राखेर उपचार भइरहेको छ । कमलामाइ नगरपालिका -६ माढिबजार स्थित भगवती अङ्ग्रेजी माध्यामिक बिधालयमा यो घटना पहिलो पटक भने होइन ।
यस्ता घटना यस अघि पटक -पटक भएपनी बिधालयले यस्तो घटनालाइ गुपचुप राख्दै आएको छ ।
