सिन्धुली – जिल्लाको सिन्धुलीमाढीमा जारी कमलामाई नगरपालिका स्तरीय अन्तर विद्यालय क्रिकेट प्रतियोगिता अन्तर्गत भगवती अंङ्ग्रेजी आवासीय माध्यामिक विद्यालय प्रथम भएको छ ।
गएको दिन भएको फाइनल खेलमा भगवती आवासीय अङ्ग्रेजी माध्यमिक विद्यालयले जनज्योति माध्यमिक विद्यालय फोस्रेटारलाई १३ रनको फराकिलो अन्तरले हराएर उपाधि हात पारेको हो ।
टस जितेर पहिला ब्याटिङ रोजेको भगवतीले निर्धारित १० ओभरमा ४७ रनको योगफल तयार पारेको थियो । भगवतीले दिएको ४८ रनको विजय लक्ष्य सहित मैदान उत्रिएको जनज्योति माध्यमिक विद्यालय १० ओभरमा सबै विकेट गुमाएर ३३ रनमा समेटियो । फोस्रेटारलाई भगवतीले कुल १३ रनले पराजित गरेर उपाधि चुमेको हो ।
भगवती अङ्ग्रेजी आवासीय माध्यमिक विद्यालयले नगद १२ हजार सहित ट्रफि, मेडल र प्रमाणपत्र पाएको छ भने दोस्रो भएको जनज्योति माध्यमिक विद्यालय फोस्रेटारले ६ हजार नगद सहित प्रमाणपत्र प्राप्त गरेको छ ।
भगवती आवासीय माध्यमिक विद्यालयको आयोजनामा बुधवारबाट सञ्चालन भएको क्रिकेट प्रतियोगितामा कमलामाई नगरपालिका भित्रका ८ वटा विद्यालयका क्लबको सहभागिता रहेको थियो । ६ वटा निजी विद्यालय र दुई वटा सामुदायिक विद्यालयले प्रतियोगितामा सहभागिता जनाएका थिए ।
