सिन्धुली । कमलामाइ नगरपालिकाले निर्धारण गरेको पार्किङ्ग क्षेत्रभित्रैबाट शनिबार मध्यान्ह मोटरसाइकल चोरी भएको छ । नगरपलिकाको कार्यालयले निर्धारण गरेको पार्किङ्ग क्षेत्र कमलामाइ नगरपालिकाको भवन अगाडि सिन्धुली माढिको लोकतान्त्रिक चौक नजिककै बाट मोटरसाइकल चोरी भएको हो ।
गोलन्जोर गाउँपालिका -५ फुङ्सेका सोमबहादुर तामाङ्गको ज ३ प ७२२८ नम्बरको होण्डा साइन मोटरसाइकल चोरी भएको तामाङले बताए ।
शनिबार घराएसी कामले तामाङ गोलन्जोरको खुर्कोट हुँदै सिन्धुलिमाढी घराएसि सामाग्री खरिदका लागि सिन्धुलिमाढी झरेका थिए ।
तामाङ्ग भन्छन, ‘ घरमा सामान लानुपर्ने भएकोले शनिबार भिडभाड हुने र अन्त मोटरसाइकल राख्दा ट्राफिक प्रहरिले जरिवाना तिराउने भएकोले पार्किङ्ग स्थलमै मैले करिब बिहान ११:१० तिर मोटरसाइकल पार्किङ्ग गरेर बजार गएको थिए ।
सामान किनेर पार्किङ गरेको ठाउमा मोटरसाइकल लिन जादा मोटरसाइकल नभएको उनले दुखेसो पोखे । तत्कालै त्यहि पार्किङ स्थलमै रहेको ट्राफिक प्रहरीलाई खबर गरेको भएपनी अहिले सम्म पत्ता नलागेको तामाङले बताए ।
नगरपालिकाको पार्किङ क्षेत्रमा राखिएको सिसिक्यामेरा अबरुद्ध भएको जनाउदै जिल्ला ट्राफिक कार्यालयका प्रमुख कृष्ण क्षेत्रीले मोटरसाइकल चोरी भएको लगत्तै कार्यालयलाइ जानकारी भएको भएपनी अहिलेसम्म फेला नपरेको र खोजी कार्य भइरहेको बताए ।
