सिन्धुली- स्वर्गीय नरवहादुर वम्जन स्मृती कप फुटवल प्रतियोगिताको फाइनल खेल शनिबार दिउँसो १ बजे सिन्धुलीमाढिमा सम्पन्न हुँदैछ ।नवबुद्ध युवा क्लव मरिण र अमरज्योती युवा क्लव गोलन्जोर वीच फाइनल खेल हुने भएको हो ।
शुक्रवार भएको सेमिफाइनलको पहिलो खेलमा अमरज्योती युवा क्लव गोजन्जोरले मिलनचोक गाइज मिलनचोकलाई पेनाल्टीमा ५–४ को अन्तरले जित हासिल गर्दै फाइनल प्रवेश गरेको हो भने दोश्रो सेमिफाइनलको खेलमा नववुद्ध युवा क्लव मरिणले नमुना जनउत्थान युवा क्लव डकाहालाई १–० ले जीत हासिल गरेर फाइनलमा प्रवेश गरेको हो ।
समाजसेवी तथा निर्माण व्यवसायी छेत्र वम्जन, ङेमा वम्जन र विष्णु वम्जनको पिता स्वर्गीय नरवहादुर वम्जनको सम्झनामा सञ्चालन भएको फुटवल प्रतियोगितालाई वम्जन परिवारवाट रु ६ लाख नगद आर्थिक सहयोग रहेको छ । खेलको सह- प्रायोजन सिजी व्रुअरी नेपाल रहेको छ ।
माढीवजार स्थित स्थानीय क्लव व्लु अल्पाईन क्लव सिन्धुलीले आयोजना गरेको प्रतियोगितामा प्रथम हुनेले नगद रु २ लाख १० हजार तथा शिल्ड, मेडल र प्रमाण पत्र प्राप्त गर्नेछ भने द्वितीय हुनेले नगद रु १ लाख शिल्ड मेडल र प्रमाणपत्र प्राप्त गर्ने छ ।
यस्तै प्रतियोगीताभरी सर्वाधिक गोल कर्ता र उत्कृष्ठ गोलरक्षक, उत्कृष्ट डिफेन्डरलाई पनि पुरष्कृत गरिने आयोजकले जनाएको छ ।
